Overskotsmassane frå Stad skipstunnel er ein ikkje-fornybar ressurs av stor verdi, som no vert nytta fullt ut i tråd med ressurspyramiden og prinsippa om sirkulær økonomi. Noreg får gjennom Stad skipstunnel ei ny skipslei, og overskotsmassane frå skipstunnelen gjer det mogleg å byggje opp ein ny infrastruktur for all type sjøtransport, grøn næringsverksemd og eit reisemål i verdsklasse.
Stad kommune delar sine erfaringar og vise korleis ein legge til rette for verdiskaping ved bruk av overskotsmassar frå skipstunnelen. I panelsamtalen set vi søkjelys på regelverk, planarbeid, prinsipp for massehandtering i infrastrukturprosjekt og vektinga av dei sosiale, miljømessige og økonomiske dimensjonane i store infrastrukturprosjekt.
