Problemspeling kostar samfunnet over 5 milliardar kroner i året. – Dette illustrerer at speleproblem er eit folkehelseproblem, og at tiltaka vi har for å beskytte sårbare spelarar er heilt nødvendige, seier Henrik Nordal i Lotteritilsynet.
For første gang i Norge er dei samfunnsøkonomiske kostnadane av problemspeling undersøkt. Rapporten er laga av Nasjonalt kompetansesenter for spillforskining ved Universitetet i Bergen på oppdrag frå Lotteritilsynet.
Rapporten viser at problemspeling har betydelege kostnadar knytt til arbeidsliv, behandling, økonomiske utfordringar og nedsett livskvalitet for både spelarar og pårørande.
I løpet av denne timen får du innsikt i dei økonmiske kostnadane, men også eit innblikk i kva speleproblem kan gjere med enkeltmenneska som slit. Her møter du Fredrick Haugen som sjølv har vore speleavhengig, i samtale med Jarle Wangen frå Akan. I tillegg deltar Asbjørn Visland frå Sørlandet sykehus og Henrik Nordal frå Lotteritilsynet. Marie Havnen moderer samtalen.
Følg strøyminga direkte i Facebook-arrangementet: https://facebook.com/events/s/arendalsuka-dette-kostar-probl/398170358768658/
